Еще раз о Назинской трагедии. Из книги проповедей, напечатанной в 1883 году при императоре Александре Александровиче по образцу, уходящему в глубь веков.
Пришлось перепечатать, так как в интернете нет этой проповеди. Копируйте и распространяйте.
С первого взгляда проповедь может показаться длинной, но ничего, читается на одном дыхании.
Из святыя книги глаголемая Златоуст.
Проповедь
В неделю 25-ю по всех святых, сказание о последних днях и казнях божиих.
"Тако глаголет Господь: послушайте сынове человеческии, и внемлите гласы уст моих. Приклоните ухо ваше в совет разума моего. Вы бо людие мои, и аз Господь Бог ваш, иже искупих вы своею кровию от работы вражия, и нарекох вы сыны моя. Вы же не яко отцу послужисте ми, ни аки господину поработасте ми, но чужди бысте славы моея, и чудесем моим не веровасте, и всех заповедей моих отвергостеся. Сего ради будет рука моя на вы во дни последняя, и пролию гнев мой на вы, и отрину вы, и отвращу лице мое от вас. Зане исполнися земля беззакония и мерзости, и почтено бысть беззаконие и неправда: закон же и правду вознедавидеша человецы. Зависть и лесть живет в вас, а истина погибе. Мзда ослепи очи и лжа покры землю. Чада безчествуют родителей своих, отцы же гнушаются чад своих. Тогда возненавидят друг дргуа, и брат брата, и матерь дщерь свою предаст на блуд, и дети начнут не сстыдитися родителей своих. Тогда будут вам учители лицемери и запойцы. Черноризцы будут злобесницы и сквернословцы. Князи и судии ваши будут неправеднии и мздоимцы и не будет избавляяй убогаго от руки сильнаго. Восплачутся сироты и вдовицы, не имуще помощника ни заступника, занеже князи не будут смиряти властителей своих, мучащих убогия. Тогда не муж жены, но жена мужа взыщет, да бы пасягнути зань. И будет тогда знамение в солнце и в луне, и в звездах, и глады часты во всех странах ваших. И восстанет царство на царство, и язык на язык, и град на град, и род рода не возлюбит: и станет отец против сына своего со оружием , и сын на отца своего извлечет мечь, и брат на брата своего искует копие, и ближнии на ближняго своего уготовит стрелы, и посмеется работный свободному, и живыи мертвому позавидит. О горе тогда будет всем родящимся и доящим, наведу бо на вы рати иноплеменных, и пролиют кровь вашу яко воду, и порадуются о вас врази ваши. И положу вы в корысть врагом вашим, и предам вас в плен языком незнающим бога, за умножение злоб ваших. Жены и дети ваши по странам разсеяни будут и осквернят вдовицы и дщери ваши в странах поганых. Сынове и дщери ваши поработают в странах неверных, о горе вам тогда будет, силнии ваши от оружия падут пред лицем врагов ваших, и побегнете гневом моим никим же гоними, и устрашитеся тама, идеже несть страха, и поженет вас един сто, сто тысящу, зане вложу страх и ужас в сердца ваша. И будет плоть ваша на снедение зверем земным и птицам небесным, и кости ваша будут повержени, на видение всякому животну: в древо место пожжете оружия своя. Се днесь град пуст бысть, а заутра другии пленен будет, и снидутся тогда от седми градов во едни град жити. О горе тогда будет вам окаянный и непокоривый роде человеч: зане глагола аз вам, вы же не послушасте: учих вас, вы же не внимасте, но бысте аки аспид глухии затыкая уди свои, да не слышит гласа убавающаго. Сего ради наведу на вы руку мою с гневом и око мое с яростию, и отрину вы от лица моего, и возведу гнев мой на вы, и ктому не восхощу помилови вас, и ярость свою излию на вас, и не избавлю вы от зла нашедшаго на вы. Аще же и возопиете ко мне, не помилую вас, и не услышу гласа плача и рыдания вашего. И отниму мудрость от сердец ваших, и разум тогда не обрящется в вас. И мыслити начнене яко младенцы, и восколеблетеся якм пияни, и не почиет дух мой на вас, ни уставлю от вас гнев ярости моея. И буду вам не яко господь бог ваш, но аки враг зло творя. Занеже отвергостеся мене, отвергуся и аз вас. Умножисте всяко лицемерство, и всяку неправду возлюбисте: сего ради положу вам небо аки медяно, а землю аки железну. Небо не даст дождя и росы на землю, а земля не даст плода своего. И опустеет земля ваша, якоже рече пророк аввакум, солжут древа маслинна, и поля не сотворят яди. Яже всеете сто мер жита, едва пожнете едину. Семена ваша будут во истление и труды ваши во тщету. Нивы ваши запустеют, и красота сел ваших погибнет. Наведу на вы пруги и гусеницы, имже несть числа: и хрусты и серны, поядят останки плодов ваших. И сущия во градех гладом уморю, а не земли сущая оружием погублю, и побегнете, и не можете от руки моея негде скрытися. Зане поидосте вы ко мне не правдами, сего ради и аз пойду к вам гневом, и поражу землю вашу и возставлю от моря волны страшны и потопят вы напрасно. И послю на вы звери дивии, и поядят скоты ваша. И не будет стад ваших пасомых на горах, и не воспоет ратай на нивах ваших, ни воль на выи своей понесет ярма своего. И не обрящется в селех ваших никого живуща, и нивы ваши родят былие и волчец, и пути ваша запустеют, и возрастете терние по путем вашим. И наведу на вы гады страшныя и осквернят землю вашу. И напущу на вы песия мухи, и скнипы, и начнут ясти плоти ваша и пити кровь детей ваших и терзати зеницы младенцем вашим. И будет тогда в вас плачь и рыдание горко и не будет тогда помогающаго вам никогоже. Погублю убо в водах рыбы, и птицы парящия по воздуху, и скоты иже в лузех ваших. Древеса же и винограды сел ваших поражу зноем солнечным., реки же и езера и источники вся изсушу оком солнечным, и блата ваша мокрая воскурятся. Зане аз милуя и дая вам не престах, а вы согрешающе и беззаконнующе не почисте: сего ради обыдете всю землю, аки скот грызуще траву и от древа бездушнаго поищете насытитися: облак бо дождевный не прейдет чрез землю вашу, и нога ваша не омочится от росы. О горе тогда будет всему роду человеческому, иже не послушаша учения моих словес: заповеди моя преступиша, и чужда мя сотвориша. И тогда отимется всяка власть и величество, честь и слава ваша погибнет, зане внидет глад в мозги ваша, и болезнь во вся уды ваша. И преложу праздники ваши в плачь вам, и игрища ваша в стонание и в рыдание, и вся дни живота вашего учнете провождати со слезами и с воздыханием и не будет к тому радости и веселия. Грады ваши запустеют и не будет приходящаго к церквам вашим, ни убогаго седяща пред враты церковными и просяща милостыни. Положу домы ваши во исчезновение, и будут яко прах пред лицем ветра, да вси шествующии по них ужаснутся: и будете уныли и дряхли, и плоть ваша от глада почернеет и восколеблетеся яко пиянии. Сребро же и злато ваше, и многоценныя ризы по путем имут валятися, и не будет емлющаго их, ни прикасающагося к ним: и доброта девича ни во что же будет. И тогда насятится кождо плоти искренняго своего, и снедят отцы чад своих и чада снедят родителей своя, зане исполнится земля беззакония, и всякаго безчинства. Возлюбиша бо человецы неправду паче правды, свет оставиша, а тму восприяша, и вся лета своя в блуде, и во играх и в глумлении пустошно изжиша. Слышите сынове человечестии, и внемлите глаголам уст моих: не лож творите словеса моя, ни в баснь вменяйте глаголы моя. Не будет бо храм идеже бы не было мертвеца, и не будет кому погребати плоти вашея, зане вложу всяк недуг в сердца ваша, и пошлю на вы смерь безгодну, и учнете умирати яко скоти, за беззакония ваша. И тогда не заступит царь людей, ни людия заступят царя: и не помилует отец сына, ни сын отца. И не обрящется у вас тогда место радостно, но везде будет плачь и рыдание без утешения. Восплачутся тогда царие и князи, богатии и убозии, и весь род человеческий, объемлюще друг друга, плачуще и умилно глаголюще: о горе нам братие, о горе нам, что сотворим, яко уже погибаем; тогда не узрю уст ваших смеющихся, но вопиющих: ни гортание ваших веселящихся, но кричащих. И тогда у вас не будет ни кощун, ни смеха, ни всяких игр бесовских. Тогда не будет коней борзых, ни риз светлых и тогда начнут умерати падающе, друг со другом, брат с братом, отец с чады, дети же с родители своими охапившеся. Отроч умрет на лоне матере своея, и мати умрет охапившеся со дщерию своею. И тогда будет в вас горкое стенание, и от кричания и рыдания вашего потрясется земля. Солнце померкнет, и луна в кровь преложится. И тогда восплачется земля аки девица за погибель человеческую. Тогда восплачутся море и реки, и вся глубины преисподняя. Тогда восплачется бездна гласом великим, аки в трубу златокованную. И тогда восплачутся ангели божии, видяще погибающь без милости весь род человеческии, за умножение злых согрешении. Тогда антихрист начнет яве ходити с бесы своими, прельщая и погубляя до конца человеки, дондеже снидет на землю господь бог наш Исус Христос, со всеми небесными силами, и воздаст комуждо поделом его; праведным жизнь вечную и царство небесное. Грешником же муку вечную, ейже не будет конца. Богу нашем слава, ныне и присно и во веки веком, аминь".
Отредактировано Shunut (Понедельник, 19 ноября, 2018г. 16:40:32)
